Tricycle driver, dedo sa tandem
MANILA, Philippines - Muli na namang umatake ang riding-in-tandem makaraang pagbabarilin at mapatay ang isang tricycle driver, kamakalawa ng gabi sa naturang lungsod.
Agad na nasawi ang 30-anyos na biktima na si Rolando Bantayan, ng Brgy. Bagong Silang, ng naturang lungsod.
Hindi naman nakilala ang dalawang salarin na kapwa nakasuot umano ng itim na bonnet at tumakas lulan ng hindi naplakahan na motorsiklo.
Sa ulat ng pulisya, nasa harapan ng tindahan malapit sa kanyang bahay ang biktima nang dumating ang mga armadong suspek at walang sabi-sabing pinagbabaril si Bantayan.
Wala namang nakapalag sa mga residente dahil sa takot habang mabilis na tumakas ang mga salarin lulan ng isang motorsiklo.
Blangko pa ang pulisya sa motibo sa naganap na krimen.
- Latest