Konsehal sa Masbate patay sa pananambang

MANILA, Philippines – Utas ang isang konsehal sa Masbate matapos tambangan ng hindi pa nakikilalang suspek noong Linggo ng hapon ayon sa mga pulis.

Binawian agad ng buhay ang konsehal ng bayan ng Balud sa Masbate na si Ladislao Macuha, 66, habang sugatan naman si Florido Villalobos na tinamaan lamang ng ligaw na bala.

Bandang 3:30 ng hapon itinumba si Macuha sa Sitio Tambobo, Barangay San Andres, Balud, Masbate.

Isinugod si Villalobos sa Baud Municipal Hospital bago inilipat sa Masbate Doctors Hospital.

Hinala ng mga pulis na may bahid ng pulitika ang pamamaril sa konsehal.