Frat member itinumba

SANTIAGO CITY, Isabela, Philippines – Pinaniniwalaang frat war ang isa sa motibo kaya pinagbabaril hanggang sa mapatay ang isang miyembro ng fraternity ng mga di-kilalang kalalakihan sa gilid ng highway sa Barangay Rabon sa bayan ng Rosario, La Union kamakalawa ng gabi.

Ayon sa ulat, dakong alas 8:30 ng gabi kamakalawa nang matagpuan sa gilid ng kalsada ang duguang katawan ni Edno Facon ng Tau Gamma Fraternity-Salcedo Chapter at naka-tira sa Barangay San Vicente sa Urdaneta City, Pangasinan.

Ayon sa pulisya, ang biktima ay iginapos, tinakpan ang mga mata at ibinalot ng packaging tape ang bibig.

Narekober sa crime scene ang 6-basyo ng cal. 45 pistol na ginamit sa pagpatay sa biktima.

Isa sa sinisilip ng pulisya ay ang anggulong frat war ng magkalabang grupo ng kabataan.