Amusement center, hinoldap

BULACAN, Philippines — Umaabot sa P.1 milyong halaga ng ari-arian ang nilimas makaraang holdapin ng apat na kalalakihan ang kilalang amusement center sa Barangay Abangan Sur sa bayan ng Marilao, Bulacan noong Lunes ng hapon. Base sa imbestigasyon ni PO3 Jeneben Cating, naglalaro sa slot machine sa Kingluck Amusement and Games, Inc ang ilang residente nang dumating ang apat na kalalakihan saka nagdeklara ng holdap. Dinisarmahan ang sikyu na si Benhur Ganacan saka nilimas ang pera sa cashier booth ni Melanie Tan. Kaagad na tumakas ng mga suspek lulan ng  puting van patungo sa direksyon ng Bocaue habang nirerebisa naman ng pulisya ang ilang footage ng CCTV camera upang makilala ang mga suspek.