Coed tigok sa killer truck

NORTH COTABATO, Philippines — Napatay ang 20-anyos na college student makaraang salpukin ng truck ang kanyang motorsiklo sa Barangay Wadya, bayan ng Banisilan, North Cotabato kamakalawa ng hapon.

Kinilala ang namatay na si Arvin Gicole ng Barangay Carugmanan ng nasabing bayan. Sa ulat ng pulisya, binabaybay ng biktimang nagmomotorsiklo ang kahabaan ng national highway mula sa bayan ng Wao, Lanao del Sur patungo ng Poblacion Banisilan.

Nang tangkaing mag-overtake si Gicole sa sinusundang truck pero bumalik ito sa kanyang lane dahil may kasalubong na sasakyan.

Gayunman, nasalpok ng 10- wheeler truck ni Jaypy Porten Galleposo, 25, ng Barangay Dado sa bayan ng Alamada. Naisugod pa sa bahay pagamutan ang biktima pero idineklarang patay.