Mag-asawa, 2 anak utas sa landslide
NORTH COTABATO , Philippines — Kamatayan ang sinapit ng mag-asawa at dalawang anak nila makaraang matabunan ng gumuhong lupa ang kanilang bahay sa Barangay Tandik, bayan ng Maragusan, Compostela Valley kamakalawa ng gabi.
Kabilang sa mga namatay ay ang mag-asawang Ramon Magallanes, 29; at Rowena Magallanes, 30; mga anak na sina Hazel Magallanes, 3; at Joey Magallanes, 1.
Sa impormasyong nakalap sa Provincial Disaster Risk Reduction Management (PDRRM) Compostela Valley, naganap ang landslide dakong alas-8:30 ng gabi.
Sa isinagawang rescue operation ay narekober ang bangkay ng mga biktima matapos ang dalawang oras
Maliban sa naganap na landslide, binaha rin ang mga Barangay Basak, Barangay Magading, Barangay Magsaysay, at ang Barangay New Dauis sa bayan ng Maragusan, Compostela Valley Province.
Dahil sa nasabing landslide at pagbaha inilikas patungo sa mga evacuation centers ang mga pamilya kung saan kaagad namang binigyan ng relief goods mula sa local Municipal Disaster Risk Reduction Management program.
- Latest
