8 sakote sa P.3-M shabu
LEGAZPI CITY, Albay, Philippines — Walo-katao kabilang ang barangay kagawad ang nasakote makaraang makumpiskahan ng P.3 milyong halaga ng shabu sa inilatag na anti-drug operation ng mga awtoridad sa Barangay Dimasalang sa Naga City, Camarines Sur kamakalawa. Hindi na nakapalag nang arestuhin ang mga suspek na sina Kagawad Romeo Calenada, 50, ng Brgy. Bagumbayan Norte; Randy Palibino, 37; Ronald Palibino, 39, mga residente sa Brgy.Cararayan; Norman Mendones, 39, ng Blumentrit Street, Brgy.Tinago; Roger Daliva, 40, ng Brgy. Calauag; Celso Cepriaso, 58; Pedro Ponte, 44, kapwa nakatira sa Brgy.Sta Cruz; at si Alvin Ferrer, 33, ng Brgy.Tabuco. Sa police report na nakarating sa Camp Simeon Ola, nagsanib puwersa ang Naga City Police at PDEA sa pangunguna ni Agent Vidal Bacolod kaya nasakote ang mga suspek. Nasamsam sa mga suspek ang ilang plastic sachet na shabu na may 50 gramo at may street value na P.3 milyon.
- Latest