Yaya ginahasa ng manliligaw
TUGUEGARAO CITY, Cagayan , Philippines — Napariwara ang kinabukasan ng 27-anyos na yaya matapos itong halayin ng kanyang manliligaw habang nag-aalaga ng bata sa Barangay Dodan, bayan ng Peñablanca, Cagayan kamakalawa. Sa police report na nakarating kay P/Chief Insp. Joefferson Gannaban, hepe ng Peñablanca police station, naiwan ng biktimang itinago sa pangalang Remedios ang kanyang mga alaga matapos itong kaladkarin ng 37-anyos na suspek na si Orlando Gonzales palabas ng bahay. Kinaladkad ng suspek ang yaya patungo sa damuhan na may ilang metro ang layo sa bahay na kanyang pinaglilingkuran saka isinagawa ang maitim na balak dakong alas-10 ng gabi.? Tumakas si Gonzales matapos mailawan ng flashlight ng amo ng biktima na naghahanap sa kanya. ?Isinampa ng biktima ang kasong rape laban kay Gonzales na pinaniniwalaang nagtatago sa kabundukan ng Sierra Madre.
- Latest