2 tigok, 4 sugatan sa road mishap
TUGUEGARAO CITY, Cagayan, Philippines — Sinundan ng dalawa sa kabilang buhay ang kalilibing nilang kaanak makaraang masangkot sa aksidente ang sinasakyan nilang Ford Everest SUV kung saan apat ang nasugatan sa Barangay Magapit, bayan ng Lal-lo, Cagayan kamakalawa.
Ayon kay PO2 Allen Olivas, patungo sa bayan ng Gonzaga mula sa Gattaran ang mga biktima upang dumalo sa tradisiyonal na “gugu” ng mga Ilokano o ang pagligo sa ilog ng kaanak ng kalilibing na namatay nang maganap ang trahedya dakong alas-10:30 ng umaga.?
Sinasabing nawalan ng kontrol ang drayber ng SUV na si Denissa Garo makaraang mag-overtake sa isa pang sasakyan kaya ito dumausdos sa gilid ng highway. ?
Namatay sina Rachelle Araja, 52; at Guillermo Fermin, 60, habang sugatang naisugod sa ospital sina Denissa, 24; Dyna Garo, 51; Regina Fermin, 54; at si Diana Garo, 27.?
Sa ngayon ay muli na naman nagsasagawa ng burol ang mga kaanak ng mga biktima na hindi pa nakakabawi sa puyat ng lamayan kasunod ng sinapit na trahedya.
- Latest