Technician utas sa motorbike crash

CAVITE  , Philippines  —  Patay ang 39-anyos na elevator technician matapos sumalpok sa konkretong poste ang kanyang motorsiklo sa poste ng kuryente sa Barangay Malagasang 1-B sa Imus City, Cavite kahapon ng madaling araw. Kinilala ng pulisya ang biktima na si Fernando Valin Jr ng Block 5, Lot 17, Ph 1, Celina Plains Subd. sa nabanggit na barangay. Base sa police report na nakarating sa Camp Pantaleon Garcia, pauwi na ang biktimang nagmomotorsiklo nang mag-overtake ito sa isa pang motorsiklo at traysikel. Gayunman, naawalan ng kontrol ang biktima kaya nagtuluy-tuloy na sumalpok sa poste ng kuryente pagsapit sa kurbadang kalsada. Hindi na umabot ng buhay sa ospital ang biktima.