Trader itinumba sa palengke

TUGUEGARAO CITY, Cagayan  , Philippines  —  Pinabulagta ang 36-anyos na trader matapos itong ratratin ng hindi kilalang lalaki sa mataong pamilihang bayan ng Ramon, Isabela kahapon ng umaga.? Sa police report, napuruhan sa ulo ang biktimang si Zaldy Baybado matapos ratratin ng gunman habang kumakain ng pansit dakong alas-9 ng umaga. ?Nagsitakbuhan ang mga mamimili palabas ng palengke makaraang makarinig ng sunud-sunod na putok ng baril na sinamantala naman ng gunman na makatakas.? Sinisilip ng mga imbestigador kung may kaugnayan sa negosyo, personal na alitan o drug trade ang motibo sa pagpatay.