Tiyo na mapanlait, tinodas ng pamangkin

TUGUEGARAO CITY, Cagayan, Philippines — Isang 39-anyos na obrero ang nasawi matapos na barilin ng sumpak ng sarili nitong pamangkin dahil sa umano’y alitan matapos ang madalas umanong panlalait ng biktima sa huli na naganap sa pinapasukan nilang construction site sa Brgy Lingsat, Bantay, Ilocos Sur noong Biyernes. ?Kinilala ni Chief Insp. Edgardo Medrano, hepe ng Bantay Police ang napatay na si Romeo Paiste habang ang pamangkin na suspek  ay  si Roger Herrera, 39.? Sa imbestigasyon, sinasabing hindi mapakali si Herrera sa mga panlalait ng tiyuhin sa mga nagawa niyang kapalpakan sa trabaho.?Umuwi siya saglit at nang bumalik sa site ay may dala nang sumpak at saka pinaputukan ang tiyuhin dakong alas-11:00 ng tanghali.? Isinugod ng kanyang mga kabaro si Paiste sa Metro Vigan Cooperative Hospital kung saan siya idineklarang patay habang sumuko sa pulisya si Herrera bitbit ang murder weapon.?