Bulgarian tiklo sa ATM skimming

CAMP JULIAN OLIVAS, Pampanga  , Philippines  —  Suwak sa kulungan ang isang Bulgarian national matapos mahuli sa akto na ninanakawan nito ang isang ATM machine gamit ang isang skimming device sa San Fernando, Pampanga kamakalawa ng gabi. Sa ulat kay Chief Supt. Amador Corpuz, Police regional director, ang suspek ay kinilalang si Ivaylo Sashov Galabov, 37 anyos. Nasamsam sa dayuhan ang nasa 103 ATM cards, laptop, point of sale (POS) terminal na ginagamit na pang-clone ng ATM at $1,000. Nahuli si Galabov ng San Fernando City Police sa isang bangko kung saan dito rin nadakip noong Hulyo 2017 ang tatlo pang dayuhan na sina Radu Minodor Sandor, isang Nicaraguan at Marcu Bogdan at Petro Loan Uveges, kapwa Romanian na sangkot din sa ATM skimming.