Nanay inaway ni tatay, nag-suicide
LEGAZPI CITY, Albay, Philippines — Pinaghahanap pa rin ang 31-anyos na misis na sinasabing tumalon sa ilog makaraang mag-away sila ng kanyang mister habang tumatawid sa hanging bridge ng Barangay Malbogon sa bayan ng Libmanan, Camarines Sur, kamakalawa ng gabi. Hanggang kahapon ay hindi pa rin matagpuan ng search and rescue team ang biktimang si Sheryl Mirasol ng nasabing barangay. Sa ulat na nakarating sa Camp Simeon Ola, dakong alas-10 ng gabi, pauwi na ang biktima at kanyang mister na si Gil Mirasol nang magkaroon nang mainit na pagtatalo ang mag-asawa. Gayunman, habang naglalakad ang mag-asawa patawid sa hanging bridge ay bigla na lamang tumalon si Sheryl sa ilog na sinasabing malakas ang agos ng tubig dahil sa pagbuhos ng ulan. Kinaumagahan na nag-report sa mga pulis ang asawang si Gil kaugnay sa nasabing insidente.
- Latest
