Seguridad sa Lantern Festival, tagumpay

PAMPANGA, Philippines — Tagumpay ang ikinasang seguridad na ipatutupad ng mga pulis para sa Lantern Festival ( Ligligan Parul 2017) na umarangkada noong Sabado. Ayon kay P/Supt Roland Agohob, hepe ng San Fernando City police station, umabot sa 300 pulis ang ipinakalat sa nasabing lugar para tumulong sa pagsasaayos ng trapiko sa idinaos ng Giant Lantern Festival. Kabilang sa mga ipinakalat para sa seguridad ay ang walong K9 unit at mga tauhan ng explosive and ordnance disposal (EOD). Magkaroon din ng augmentation force sa provincial police office, regional at provincial public safety battalion, at mula sa iba pang police station. Tagumpay din ang seguridad sa mga manonood ng giant lantern festival na ipinagbawal ang pagsusuot ng sumbrero sa loob ng venue. Maliban naman sa sombrero ay ipinagbawal din ang pagdadala ng backpack at matutulis na bagay.