Masiba sa pulutan, kinatay ng kainuman
TUGUEGARAO CITY, Cagayan, Philippines — Brutal na kamatayan ang sinapit ng 52-anyos na obrero na nilamutak ang pulutan at pinagmumura pa ang kanyang kainuman matapos itong pagsasaksakin sa laklakan sa Barangay Afusing Daga, bayan ng Alcala, Cagayan noong Sabado.
Base sa ulat ni PO3 Luis Bermijiso Jr., niyaya lamang ng grupo ng suspek na si Danilo Tejano ang biktimang si Nicanor Reyes na aali-aligid sa kanilang laklakan. Ayon kay Bermijiso, kinalaunan ay nagalit at pinagmumura ng senglot na biktima ang kanyang mga kainuman na sumuway sa kasibaan niya sa pulutan. ?
Gayunman, nagalit ang suspek kaya sunud-sunod na grinipuhan ang biktima sa iba’t-ibang bahagi ng katawan gamit ang kutsilyong pinanghihiwa nila ng pulutan.
Sumirit ang dugo ng biktima sa mga nagulantang na katagay na nahimasmasan sa bilis ng pangyayari.?
Isinugod si Reyes sa Alcala District Hospital subalit idineklarang patay habang tumakas patungo sa kabundukan ng Sierra Madre ang suspek na pinangangambahang sumapi na sa NPA terrorists.
- Latest