Barista ninakawan, kinaladkad ng tandem
TUGUEGARAO CITY, Cagayan, Philippines — Masaklap ang magiging Kapaskuhan ng 22-anyos na dalagang barista matapos itong makaladkad ng ilang metro sa pakikipag-bunuan ng kanyang bag na kalaunan ay naagaw ng riding-in-tandem snatchers sa Barangay Centro, Tuguegarao City, Cagayan kamakalawa ng gabi. Sa report ng pulisya, isinugod sa People’s General Hospital ang biktimang si Abigail Rosales matapos magtamo ng sugat at pasa sa buong katawan nang napahiga ito sa kalsada at kaladkarin ng tandem snatchers na humablot sa kanyang bag na naglalaman ng pang-noche buena na P7,000 cash. Bukod sa cash, natangay din ng mga kawatan ang dalawang ATM cards ng biktima na sinasabing naglalaman ng kanyang sweldo at inipon.
- Latest