Tinedyer pisak sa killer trak

CAVITE  , Philippines  —  Patay ang 15-anyos na Grade 5 student matapos itong magulungan ng dump track habang naglalakad kasama ang dalawang kaibigan sa Covelandia Road, bayan ng Kawit, Cavite kahapon ng madaling araw. Hindi na umabot ng buhay sa Kawit Kalayaan Hospital ang biktimang si Uriel Jay Octavo ng  Binakayan Elementary School at nakatira sa  Barangay Samala, Binakayan. Naaresto naman ang driver ng truck na si Jorome Bacalla, 37, stay-in driver ng Gamaliel Corp. Dumpsite sa Barangay Kanluran sa nasabing bayan. Sa police report na nakarating sa Camp Pantaleon Garcia, naglalakad ang biktima kasama ang dalawang kaibigan nang masalpok ng truck na papalabas sa dumpsite.