P.2-M nalimas sa mag-asawang trader

TUGUEGARAO CITY, Cagayan  , Philippines  —  Umaabot sa P.2 milyong cash ang nilimas ng mga nagpanggap na ahente ng Phil. Drug Enforcement Agency (PDEA) sa mag-asawang trader matapos tambangan ang kanilang sasakyan sa kahabaan ng highway sa Barangay Masical, bayan ng Baggao, Cagayan kamakalawa ng gabi. ?

Sa police report na nakarating kay P/Chief Insp. Emil Pajarillo, hepe ng Baggao policed station, tatlong armadong lalaking nakabonet ang humarang sa Isuzu Forward truck na minamaneho ni Jayson Tobias saka ito pinababa kasama ang misis na si Jonalyn upang maghalughog dahil sa sinasabing may dala silang shabu.?

Ayon pa police report, sa halip na shabu ang matagpuan ay kinuha ng mga kawatan ang P224, 225 cash na pinagbentahan ng palay ng mag asawa.?

Nabatid na hindi na rin pinatawad ng mga suspek ang pahinanteng si Sherwin de Vera, 28, na nilimasan ng cellphone at wallet na may lamang P50.?

Pinaniniwalaan na ang nasabing grupo ang rumatrat sa pampasaherong van sa nasabing lugar nang hindi ito inihinto ng drayber noong Lunes kung saan ?dalawang pasahero ang nasugatan sa insidente. ?

Samantala, kinondena naman ni PDEA region 2 spokesperson Lala Tomas ang paggamit ng mga suspek sa pangalan ng kanilang ahensiya matapos mabatid ang naganap na krimen.