Misis sinundan ang mister sa hukay

TUGUEGARAO CITY, Cagayan, Philippines — Sinundan ng 55 -anyos na misis ang sariling mister sa hukay matapos sumalpok ang sinasakyan traysikel sa kasalubong na trak na ikinasugat sa kahabaan ng highway sa Barangay Dadda, Tuguegarao City, Cagayan kamakalawa. ?Ayon kay PO2 Romel Contillo Jr., kinilala ang namatay na si Melinda Balubal na sakay ng traysikel na bumulusok sa pababang kalsada saka sumalpok sa paparating na trak na minamaneho ni Alejandro Galam, 30.? Sa lakas ng salpok ay bumaliktad ang traysikel kaya tumilapon si Balubal at mga kaanak nitong sina Sotero, 60; Ceferina Siringan, 56; Nico Medez Baggay, 63; Martin Mallonga, 62; at si Juana Balubal, 76. Kaagad naisugod sa ospital ang mga magkakaanak subalit nalagutan ng hininga si Melinda habang ginagamot.? Nabatid na dumalaw ang mga biktima sa puntod ng mister ni Balubal upang gunitain ang ika-40 araw ng kamatayan nito.