20-anyos babae utas motorcycle crash

LEGAZPI CITY, Albay, Philippines — Patay ang 20-anyos na babae habang dalawa naman ang nasugatan makaraang sumemplang ang kanilang motorsiklo sa kahabaan ng Maharlika Highway sa Barangay Cabanga sa bayan ng Oas, Albay kamakalawa ng madaling araw. Idineklarang patay sa Bicol Regional Training and Teaching Hospital sa Legazpi City ang biktimang si Diana Joy Rayton ng Barangay Poblacion. Ginagamot naman sa nasabing ospital sina Anna Garcia, driver ng motorsiklo at Christyal Osayta, 22. Base sa police report na naisumite sa Camp Simeon Ola, binabaybay ng mga biktima ang kahabaan ng highway nang rumampa ang motorsiklo sa konkretong gutter saka sumemplang. Tumi­lapon ng may ilang metro ang mga biktima at humataw ang kanilang katawan sa sementadong kalsada.