5 mangingisda nirapido sa dagat
Base sa ulat ng pulisya na nakarating sa Camp Crame, dakong alas-4 ng madaling araw ng maganap ang insidente habang binabaybay ng mga biktimang sakay ng bangka ang karagatan. File
MANILA, Philippines — Limang mangingisda ang nasugatan makaraang pagbabarilin ng dalawang miyembro ng Bantay Dagat noong Biyernes sa karagatan ng Barangay Libay sa bayan ng Rizal, Zamboanga del Norte.
Kinilala ni P/Insp. Helen Galvez, hepe ng Public Information Office ng Zamboanga City police ang mga biktimang sina Rolly Cristy Sanbiug, 30; Jonel Tamparong Mangubat, 19; Julius Baguio Napone, 21; Romel Senabre Balase, 23; at si Junjie Mangubat Nano, 25, pawang nakatira sa Brgy Manla sa bayan ng Sapang Dalaga, Misamis Occidental.
Base sa ulat ng pulisya na nakarating sa Camp Crame, dakong alas-4 ng madaling araw ng maganap ang insidente habang binabaybay ng mga biktimang sakay ng bangka ang karagatan.
Napansin ng mga biktima na hinahabol sila ng speed boat na lulan ang mga suspek na sina Jess Balbaquera at Robert Arceno, kapwa residente ng Barangay Nagca.
Nakita na lamang ng mga biktima si Arceno na namaril kung saan tinamaan ang kanilang kasama na si Arnel Lido Floren at nalaglag sa dagat.
Patuloy naman nagsasagawa ng search and rescue operation ang mga awtoridad para hanapin si Floren.
- Latest
