New born baby itinapon, nasagip
MANILA, Philippines — Nasagip ang bagong silang na sanggol na itinapon ng hindi kilalang babae matapos itong matagpuan sa gilid ng gusali sa Barangay Poblacion, bayan ng La Trinidad, Benguet noong Martes ng gabi. Sa ulat ng Cordillera Police na naisumite sa Camp Crame, dakong alas-10:20 ng gabi nang makatanggap ang pulisya ng tawag sa telepono mula sa security guard ng Benguet General Hospital kaugnay sa bagong silang na sanggol na inabandona ng kaniyang ina. Ang sanggol na walang saplot ay nakakabit pa ang umbilical cord nang madiskubre ng pamilya ni Raymarie Madugay at mister nito.
Base sa imbestigasyon, pauwi na ang mag-asawang sakay ng Toyota Tamaraw FX kasama ang anak na babae nang marinig ang pag-iyak ng sanggol na nilalamig.
Pansamantalang pinahinto ng mister ang kanilang sasakyan saka ang kanilang anak na usisain ang pinagmulan ng pag-iyak.
Gayunman, nabulaga ang mag-asawa ng bagong silang na sanggol na nakakabit pa ang umbilical cord, walang damit na inabandona sa gilid ng Provincial Building 2.
Agad namang ibinalot sa jacket ng mag-asawa ang sanggol saka isinugod sa Benguet General Hospital para maisailalim sa medical treatment.
- Latest
