15 rebelde utas sa Batangas

MANILA, Philippines – Patay ang nasa 15 pinaghihinalaang miyembro ng New People's Army, habang tatlo ang sugatan sa dalawang magkahiwalay na engkwentro sa Nasugbu, Batangas.

Sinabi ni Batangas police director Senior Superintendent Alden Delvo na kaagad rumesponde ang mga tauhan ng 730th Combat Group ng Philippine Airforce, Batangas at Nasugbu police sa sumbong na may armadong kalalakihang nakita sa Sitio Pinamintasan sa Barangay Aya, Nasugbu.

Kaagad pinutukan ng mga rebelde ang mga awtoridad nang magpang-abot bandang 8:30 ng gabi kagabi.

Lima ang bumulagta mula sa armadong grupo sa 20-minutong palitan ng putok.

Siyam namang rebelde ang nasawi sa hiwalay pang engkwentro sa Batulao, Barangay Kaylaway.

Sinabi ni Calabarzon police director Chief Superintendent Mao Aplasca na pawang mga miyembro ng Eduardo Dagle command ang napatay.

"Based on documents we recovered, there's an indication that one of those neutralized is a high ranking official of the NPA," ani Aplasca.

"This encounter so far produced the biggest number of casualties on the side of the rebels and is a big blow to the NPA. We have been tracking their movements for two months and we can expect another encounter soon if they don't vacate Calabarzon," dagdag niya.

Ikinatuwa naman ni Aplasca ang pagbibigay ng impormasyon ng mga residente na aniya’y napakalaking tulong para sa kanila.