14-anyos ni-rape slay
Ayon sa imbestigasyon, ginigising ng batang lalaki ang kaniyang ate sa silid na tinutulugan nito pero hindi ito kumikibo kaya agad sinabi sa kanilang ama na si Angelito Autor. File
MANILA, Philippines — Brutal na kamatayan ang sinapit ng 14-anyos na dalagita matapos itong halayin at patayin pa sa sakal nang hindi kilalang lalaki sa loob ng kumbento sa Barangay Goleo, bayan ng Sindangan, Zamboanga del Norte noong Miyerkules.
Sa police report na nakarating sa Camp Crame, bandang alas-6:05 ng gabi nang madiskubre ng kanyang utol na lalaki ang bangkay ng kanyang ate na itinago sa pangalang Lilibeth sa convent house.
Ayon sa imbestigasyon, ginigising ng batang lalaki ang kaniyang ate sa silid na tinutulugan nito pero hindi ito kumikibo kaya agad sinabi sa kanilang ama na si Angelito Autor.
Nang tanggalin ang kumot na nakabalot sa katawan ng dalagita ay nakitang wala itong saplot sa ibabang bahagi ng katawan at may malalim na bakas ng sakal sa dibdib.
Samantala, nakitaan din ng mga tauhan ng Scene of the Crime Operatives na hinalay ang biktima bago ito pinaslang.
- Latest
