26 sugatan, 2 grabe sa karambola ng 3 bus
QUEZON – Umaabot sa 26 ang nasugatan habang dalawa naman ang nasa kritikal na kalagayan matapos na magkarambola ang tatlong pampasaherong bus sa kahabaan ng Quirino Highway sa bayan ng Tagkawayan, Quezon, kamakalawa ng gabi.
Naisugod sa pinakamalapit na ospital ang mga pasahero ng dalawang Philtranco Bus at Elavil Bus habang patuloy na nakikipaglaban kay kamatayan sa isang ospital sa Naga City ang dalawang driver na sina Ricardo Petalco at Virgilio Aurellano.
Base sa imbestigasyon, dakong alas-10:30 ng gabi ay patungo sa Maynila ang minamanehong Philtranco Bus ni Petalco nang makabanggaan nito ang kasalubong na Philtranco Bus ni Aurellano.
Hindi naman nakapagpreno ang Elavil Bus na sumusunod sa bus ni Petalco kaya bumangga rin ito na ikinasugat ng mga pasahero.
- Latest