Tindahan ng lechon manok, hinoldap
BULACAN, Philippines — Maging ang tindahan ng lechon manok ay hindi pinatawad ng apat na holdaper na sakay ng dalawang motorsiklo sa naganap na holdapan sa Barangay Poblacion, bayan ng Pulilan, Bulacan noong Linggo ng gabi. Ayon kay PO3 Jaime Alfonso, magsasara ng tindahan ang service crew na Axl John San Mateo nang biglang dumating ang apat na lalaki na nakunwaring bibili ng lechon manok. Gayunman, isa sa apat ang nagdeklara ng holdap kay San Mateo saka nilimas ang maghapong kinita ng tindahan. Tinangay din ng mga holdaper ang dalawang cell phone at ilang lechong manok saka tumakas sakay ng dalawang motorsiklo na walang plaka. Kaagad na nagreklamo sa himpilan ng pulisya si San Mateo kaugnay sa naganap na holdapan.
- Latest