Obrero kinatay sa beerhouse

TUGUEGARAO CITY, Cagayan, Philippines — Brutal na kamatayan ang sinapit ng 33-anyos na karpintero matapos itong pagtulungang tagain ng nakaalitang grupo sa loob ng beerhouse sa Tuguegarao City, Cagayan noong Linggo ng gabi.? Kinilala ni P/Supt. Edward Guzman, hepe ng  Tuguegarao City police station, ang napatay na si Marvin Dulat ng Barangay Callaoagan Dakkel, Gattaran habang tumakas naman ang tatlong suspek sakay ng motorsiklo. Ayon sa police report, salitang winakwak ng mga suspek ang dibdib ng biktima nang makorner sa labas ng diskuhan matapos nagsipag-takbuhan ang kanyang mga kasamahan.? Pinaniniwalaang nag-ugat ang alitan ng dalawang grupo matapos masagi ng biktima ang isa sa mga suspek habang nagpapasikatan sa pagsayaw sa dance floor ng JM Disco Bar.?