2 kawatan ng traysikel, arestado

BULACAN, Philippines — Arestado ang dalawang kawatan makaraang tangayin ang nakaparadang traysikel sa Barangay Bambang sa bayan ng Bocaue, Bulacan kamakalawa ng madaling araw. Pormal na kinasuhan ang suspek na si Emmalyn De Guzman, 19, ng Sitio Dulo habang nasa custody ng lokal na sangay ngª DSWD ang 16-anyos na suspek ng bayan ng Santa Maria. Base sa police report na nakarating kay P/Supt. Jowen Dela Cruz, ang dalawa ay inaresto dahil sa pagnanakaw ng traysikel na pag-aari ni Pancho Gabriel, 24, ng Brgy. Bagumbayan. Narekober naman ang traysikel sa abandonadong lote sa Barangay Sulucan sa tulong na rin ng ilang trike driver.