Jail officer itinumba ng NPA rebs
LEGAZPI CITY, Albay, Philippines — Itinumba ang 46-anyos na jail officer na nagmamaneho ng owner-type jeep matapos itong pagbabarilin ng mga rebeldeng New People’s Army (NPA) sa kahabaan ng highway sa Barangay Matagantang sa bayan ng Placer, Masbate nitong Miyerkules ng umaga. Kinilala ang biktima na si Jail Officer 3 Allan Alburo ng nasabing barangay. Base sa police report na nakarating sa Camp Simeon Ola, patungo sa district jail ang biktimang naka-owner type jeep (VCC 747) nang harangin at ratratin ng mga rebelde pagsapit sa nasabing lugar bandang alas-7:20 ng umaga. Narekober sa crime scene ang limang basyo ng bala ng cal. 9mm pistol at 19 basyo ng bala ng cal. 45 pistol.
- Latest