Rambol: 1 patay, 2 kritikal
TUGUEGARAO CITY, Cagayan, Philippines — Natigok ang customer ng videoke bar habang dalawa naman ang kritikal matapos gripuhan ng kanilang mga kaaway sa rambulan sa Barangay Calog Sur, bayan ng Abulug, Cagayan noong Miyerkules.? Kinilala ni PO2 Christopher Carpio ang napatay na si Samuelito Reyes habang sugatan naman ang mga kasamahang sina Angelo Gorgonio at Aliton John Tacardon.? Sinasabing agawan sa mikropono at pasikatan sa pagkanta sa videoke ang pinagmulan ng alitan ng mga biktima at mga suspek na sina Joseph Tugade, Jerome Tugade, Cris Singko at Alyas Benito Guapo ng Luna, Apayao.? Ayon sa police report, nagpang-abot ang dalawang grupo kung saan napatay si Reyes habang dalawa naman ang malubhang nasugatan na kasalukuyang ginagamot sa Far North Hospital sa Luna.
Nadakip naman ng mga pulis ang magkakaanak na Tugade habang nakatakas sina Singko at Benito Guapo.
- Latest