Misis inutas ni mister saka hinostage ang sarili
SANTIAGO CITY, Isabela, Philippines — Hinostage ng 65-anyos na dating barangay kagawad ang sarili makaraang mapatay ang kanyang misis sa Barangay San Miguel sa bayan ng Burgos, Isabela kahapon ng umaga.
Sumuko naman ang suspek na si Rolly Gabriel habang nakilala naman ang kanyang misis na si Isabela Gabriel, 61, kapwa nakatira sa nabanggit na barangay.
Base sa police report na nakarating kay P/Senior Insp. Manny Roger Enriques, hepe ng Burgos police station, nabaril ng suspek ang kanyang misis matapos ang mainitang pagtatalo kaugnay sa problemang pampamilya.
Sugatan naman ang kapitbahay na si Ricardo Asuncion matapos itong mabaril nang tangkain nitong mamagitan.
Matapos ang pamamaril ay kaagad na tumakas ang suspek at nagtago sa simbahan sa Barangay Linglingay sa bayan ng Gamu.
Umabot sa walong oras ang negosasyon bago napasuko ang suspek na nahaharap sa patung-patong na kasong kriminal.
- Latest