8-anyos ni-rape slay ng 3 adik

NORTH COTABATO, Philippines — Kalunus-lunos na kamatayan ang sinapit ng 8-anyos na nene na pinilahan ang tatlong adik saka binagsakan ng hallow blocks ang katawan saka inabandona sa bakanteng lote na may ilang metro ang layo sa compound ng Mindanao State University sa Barangay Tambler, General Santos City sa South Cotabato, ayon sa ulat kahapon. Kinilala ang biktima na si Mary Agustin ng #39.2 FVR Fatima, nagdiriwang ng kanyang ikawalong taong kaarawan kahapon (November 11). Arestado naman ang isa sa tatlong suspek na si Mark Engkong ng Malapatan, Sarangani. Base sa police report, huling namataang buhay ang biktima na nagbabantay ng balut na paninda ng kanyang amang si Jessie Agustin. Hindi na nagbalik ang biktima na sinasabing umuwi hanggang sa matagpuan ang bangkay ng bata na binagsakan ng maraming hallow block sa nasabing lugar. Kasalukuyang pinaghahanap ang dalawa pang suspek na kasabwat ni Engkong sa krimen.