Suspek sa pamamaril, dinedo
LEGAZPI CITY, Albay, Philippines — Bulagta ang 39-anyos na lalaki na sinasabing sangkot sa pamamaril ng dalawa-katao matapos itong makipagbarilan sa mga pulis sa Barangay Sta. Elena sa bayan ng Buhi, Camarines Sur noong Biyernes ng hapon. Hindi na umabot ng buhay sa Buhi Community Hospital si Jesus Pamparo Edaugal habang patuloy na ginagamot ang dalawang nabaril na sina David Ponciano at Philip Ignao, mga residente ng Barangay Sta. Cruz. Sa police report na nakarating sa Camp Simeon Ola, sumiklab ang pagtatalo ni Edaugal at ang dalawa kaya nauwi sa pamamaril. Kaagad na rumesponde ang mga pulis pero sa halip na sumuko ay tinangkang paputukan ni Edaugal subalit maagap na pinutukan ng pulisya at napatay.
- Latest