3 sinalpok ng trak, todas
TUGUEGARAO CITY, Cagayan , Philippines — Tatlo-katao ang namatay makaraang makipagsalpukan ang kanilang traysikel sa kasalubong na trak sa kahabaan ng highway sa Barangay Magsaysay, bayan ng Cabatuan, Isabela noong Lunes.? Kinilala ng pulisya ang mga namatay na sina Rogelio Enriquez, drayber ng traysikel; mag-asawang Martin Juan at Alejandra Juan.? Lumalabas sa imbestigasyon na pauwi ang mag-asawa sakay ng inarkila nilang traysikel mula sa pagdaraos ng kapistahan sa bayan nang umagaw ng linya ang drayber kaya sumalpok sa kasalubong na trak na minamaneho ni Isabelo Gallego Jr.? Isinugod ng mga sumaklolo ang mga biktima sa ospital subalit idineklarang patay habang dinakip naman ng pulisya ang drayber ng trak.
- Latest