Biyudo kinatay ng mag-aama

QUEZON , Philippines  —   Nagmistulang kinatay na hayop ang katawan ng 40-anyos na biyudo makaraang pagtulungang tagain ng mag-aama sa pakikipag-inuman sa Sitio Hacienda Maloles, Barangay Sta. Catalina Sur, bayan ng Candelaria, Quezon kamakalawa ng gabi. Kinilala ang napatay na si Roger Tuzon ng Sitio Arco Maloles habang pinaghahanap naman ang mga suspek na sina Agosto Landicho, 29; Raymond Landicho, 22; Celvin Landicho, 23; at si Leodegario Landicho, 39. Base sa ulat ang pulisya, nakipag- inuman ang biktima sa mga suspek saka nagpaalam na uuwi makaraang malango.Subalit makalipas ang 15-minuto ay muling bumalik ang biktima sa bahay ng mga suspek kung saan kinulit na mag-inuman muli. Gayunman, nairita ang mga suspek na pawang lango na rin sa alak hanggang sa mapagtripang pagtatagain ang biktima. Narekober a crime scene ang mga tsinelas ng mga suspek at dalawang  itak na sinasabing ginamit sa krimen.