‘Kaanak’ ni Digong sakote sa droga
TUGUEGARAO CITY, Cagayan, Philippines — Kalaboso ang bagsak ng sinasabing kaanak ni Pangulong Rodrigo Duterte at kasabwat nitong kababayan sa Marawi City makaraang mahulog sa ikinasang anti-drug operation ng mga tauhan ng Philippine Drug Enforcement Agency (PDEA) sa bahagi ng Melvin Jones football grounds sa Baguio City kamakalawa.
Kinilala ni PDEA Cordillera Director Edgar Apalla ang mga inaresto na sina Jaymark Duterte, 17; at Abdul Malik Ampaso, 27, tubong Marawi City kung saan nakatira ang mga kaanak ng Pangulo sa ina.?
Ayon kay Apalla, pinaniniwalaang sangkot sa malaking sindikato ng droga ang dalawa dahil sa malaking supply ng shabu ang ikinakalat nila sa nasabing lungsod at lalawigan ng Benguet.?
Nasamsam sa mga suspek ang dalawang plastic sachet ng shabu (5 gramo) na may street value na P25,000.
Ang dalawa ay naaresto sa tinutuluyang Crystal Cave, Bakakeng Central sa nasabing lungsod.?
Gayunman, walang direktang kalaaman ang PDEA kung paano naging kamag-anak ng suspek na Duterte ang Presidente.
- Latest