Stude utas sa motorbike crash

TUGUEGARAO CITY, Cagayan, Philippines — Bulagta at wakwak ang mukha ng 17-an­yos na estudyante matapos sumalpok ang minamanehong motorsiklo sa steel railings sa gilid ng highway sa Barangay San Antonio, bayan ng Burgos, Isabela kamakalawa ng gabi. ?

Sa report ng pulisya, hindi nakalkula ng biktimang si John Dave Alejo ang kurbadang bahagi ng highway habang nagmomotorsiklo pauwi sa bayan ng Gamu.

Sinasabing nagmula sa laklakan ang binatilyo ng nagdaang gabi nang mangyari ang sakuna su­balit dakong alas-5 na nang umaga ito natagpuan na isa nang matigas na bangkay.

Idiniretso na lamang sa punerarya ng mga rumesponde ang biktima habang nilukot na lata ng sardinas ang nadisgrasya nitong motorsiklo na sinasabing pag-aari ng kanyang ama.