Habal-habal driver nilikida ng NPA
LEGAZPI CITY, Albay , Philippines — Bulagta ang 44-anyos na habal-habal driver matapos itong pagbabarilin ng mga rebeldeng New People’s Army sa kahabaan ng provincial road sa Barangay Cantoria sa bayan ng Monreal, Masbate noong Miyerkules ng umaga. Napuruhan sa ulo ang biktimang si Cipriano Galicia ng Sitio Cambarong, Barangay Poblacion. Sa police report na nakarating sa Camp Simeon Ola, inihatid ng biktima ang kanyang pasahero sa Barangay Maglambong nang abangan at ratratin ng mga rebelde pagsapit sa nasabing lugar. Nang masigurong patay na ang biktima saka tumakas ang mga rebelde patungo sa makahoy na lugar. Narekober sa crime scene ang 16 basyo ng bala ng cal. 45 pistol.
- Latest