14 todas kay ‘Paolo’ sa Zambo
NORTH COTABATO , Philippines — Pumalo na sa 14-katao ang naiulat na namatay sa pananalasa ng Bagyong Paolo sa Zamboanga peninsula.
Batay sa pinakahuling datos na inilabas ng Office of Civil Defense ng rehiyon kung saan 14 na ang namatay sa Zamboanga City.
Ayon kay Jose Eric Castillo, operations officer ng OCD-Region 9, karamihan sa mga namatay ay dahil sa pagkalunod sa tubig-baha habang ang iba ay tinamaan ng kidlat, nakuryente o nabagsakan ng punongkahoy.
Nagdala ng malakas na ulan ang sinasabing super typhoon at nagdulot ng pagbaha sa malaking bahagi ng bansa noong nakaraang linggo.
Kabilang sa mga pinakamalalang nasalanta ay ang Zamboanga City na nagdeklara na ng state of calamity. Nawasak naman ang 641 bahay sa nasabing lungsod.
Nakaalis na si Paolo sa Philippine area of responsibility pero may namataang low pressure area sa labas ng bansa ang maaaring maging bagyo sa mga susunod na araw, ayon sa state weather bureau.
- Latest