Magsasaka dinedo sa inuman
NORTH COTABATO, Philippines — Napaslang ang magsasakang nakikipag-inuman matapos itong pagsasaksakin ng kanyang kainuman sa Purok 8, Barangay Poblacion sa bayan ng President Roxas, North Cotabato kamakalawa ng gabi. Kinilala ni P/Chief Insp. Andres Sumugat, hepe ng Pres. Roxas police station ang biktima na si Alyas Boyet Milla habang sumuko naman sa pulisya ang suspek na si Jaypee Flores Ontial. Ayon sa police report, nag-iinuman ang biktima kasama ang iba pang kaibigan sa bahay ng suspek nang sumiklab ang pagtatalo kaugnay sa pagkakapatay sa dalawang terorista. Nauwi sa rambulan ang mainitang pagtatalo ng grupo hanggang sa masaksak ng suspek ang biktima. Nagtamo ng matinding sugat sa katawan ang biktima na agad isinugod sa ospital subalit idineklarang patay.
- Latest