Bahay ng tserman, naabo

BAYOMBONG, Nueva Vizcaya, Philippines — Umaabot sa milyong halaga ng ari-arian ang naabo makaraang masunog ang bahay ng barangay chairman sa Batac City, Ilocos Norte, kamakalawa. Sa imbestigasyon ng mga tauhan ng Batac City Bureau of Fire Protection, nagsimula ang apoy sa kusina ng bahay ni Chairman Sonny Camangeg sa Barangay Ricarte sa nasabing lungsod. Sinasabing nag-ihaw ng ulam ang ina ng bata at pagkatapos ay nagmamadaling ibinalot dinala para pambaon. Gayunman, hindi napansin kung naayos ang iniwang ihawan na sinasabing naging sanhi ng sunog. Nakaligtas naman ang bata na naiwan sa bahay subalit nasunog ang lahat ng mga kagamitan kabilang na ang P200,000 cash.