70 modified tambutso ng motorbike, kumpiskado
NORTH COTABATO, Philippines — Aabot sa 70 modified tambutso ng motorsiklo ang dinurog ng mga awtoridad makaraang pasagasaan sa payloader sa Koronadal City, South Cotabato noong Martes ng umaga.
Ayon kay Koronadal City Police Traffic Section Chief SPO3 Arnel Falcis, ang mga modified tambutso ay nakumpiska sa nakalipas na apat na buwan.
Bukod sa maingay na tambutso ay kinumpiska naman ang motorsiklo
Binigyan diin ni Falcis na ang pagkumpiska ng bora bora o open pipe mufflers ay bilang kabahagi ng pinaigting na kampanya ng pulisya at lokal na pamahalaan laban sa maiingay na tambusto ng motorsiklo.
Bukod sa nakadadagdag sa polusyon ay makaapekto rin sa kalusugan ng mga mamamayan ang sobrang ingay ng mga open pipe ng motorsiklo.
Tiniyak ni Falcis na magpapatuloy pa rin ang pagkumpiska ng city traffic section sa mga open pipe na motorsiklo.
Sinabi ni Falcis na ibabalik lamang nila ang mga nakumpiskang motorsiklo kapag naikabit muli ng mga may-ari ang orihinal na tambutso ng mga ito.
- Latest