Onsehan: 2 drug suspek nilikida
Ayon kay P/Supt. Elcid Roldan, hepe ng Daraga police, dakong alas-10:10 ng gabi nag-iinuman ang mga biktima kasama ang hindi kilalang babae nang ratratin ng tandem. Nakatakas naman ang kainumang babae. Philstar.com/File
LEGAZPI CITY, Albay , Philippines — Napaslang ang dalawang notoryus na tulak-droga na sinasabing sumuko sa Oplan Tokhang matapos na pagbabarilin ng riding-in-tandem assassins habang nag-iinuman sa harap ng chapel sa Purok 7, Barangay Tagas sa bayan ng Daraga, Albay noong Linggo ng gabi.
Kinilala ang mga biktima na sina John Melchor LLasos, 36, ng Purok 7, Doña Maria Subdivision; at Marlon Estuye, 33, ng nasabing barangay.
Ayon kay P/Supt. Elcid Roldan, hepe ng Daraga police, dakong alas-10:10 ng gabi nag-iinuman ang mga biktima kasama ang hindi kilalang babae nang ratratin ng tandem. Nakatakas naman ang kainumang babae.
May posibilidad na onsehan sa droga ang isa sa motibo ng gunmen dahil sa palitan ng text messages na sinisingil ang biktima sa P60K na hindi nai-remit mula sa drug trade.
Maliban sa mga cell phone ng biktima ay narekober sa crime scene ang limang basyo ng bala ng baril.
- Latest
