Magsasaka tigok sa pananambang

TUGUEGARAO CITY, Cagayan  , Philippines  —  Inutas ng mga berdugo ang isang 45-anyos na magsasaka habang pauwi na ito at sakay ng kanyang tricycle Barangay Cumao, Gattaran, Cagayan noong Biyernes.  Kinilala ni PO2 Ronald Pascual ang napatay na si Romel delos Santos na residente ng nasabing lugar. Ayon kay Pascual, pauwi na ang biktima na galing sa bahay ng kanyang kapatid nang ratratin ito sa daan dakong alas-8:45 ng gabi.  Nadatnan ng mga kaanak si Delos Santos na nakahilata sa gitna ng kalsada na naliligo sa sariling dugo.
Dinala sa ospital si Delos Santos kung saan siya nalagutan ng hininga. Nabatid na wala sa drugs watchlist ng pulisya ang biktima kung kayat inaalam pa ng mga imbestigador ang motibo sa pamamaslang.