Anak ng disc jockey, inutas
MANILA, Philippines — Kamatayan ang sinapit ng 29-anyos ang anak na dalagang call center agent ng radio reporter matapos itong barilin sa loob ng kanilang bahay sa Barangay Busay, Cebu City, Cebu kahapon ng umaga. Kinilala ang biktima na si Marie Alexei Bolongaita na nagtamo ng tama ng bala sa dibdib. Sa follow-up operations ng pulisya, nasakote naman sa ospital ang suspek na si Reynante Mambiar, 36, ng Salinas Drive, Barangay Lahug, Cebu City ilang oras matapos ang krimen. Nabatid na ang suspek ay nagtamo ng tama ng bala sa mukha, saksak sa likuran at sugat sa katawan na iniimbestigahan kung saan nito nakuha. Sa inisyal na ulat ni P/Supt Joel Doria, Cebu City police director na naisumite sa Camp Crame, si Marie ay anak ni dyRF disc jockey Alex Bolangaita na sikat sa Cebu City. Kasalukuyan namang inaalam ng mga awtoridad kung ginahasa muna bago pinaslang ang dalaga.
- Latest