Retiradong pulis dinedo ng tandem

LEGAZPI CITY, Albay, Philippines — Bulagta ang 46-anyos na retiradong pulis matapos itong pagbabarilin ng riding-in-tandem assassins habang nakikipag-inuman sa kanyang kapatid sa Barangay South Poblacion sa bayan ng Juban, Sorsogon kamakalawa ng hapon. Naisugod pa sa Sorsogon Doctors Hospital subalit dineklarang patay ang biktimang si Alex Gruta ng nasabing barangay. Ayon kay P/Senior Insp. Ma. Luisa Calubaquib, information officer ng Camp Simeon Ola, nakikipag inuman si Gruta sa kanyang kapatid sa labas ng bahay nang lapitan at ratratin ng gunman. Matapos nang pamamaril tumakas ang gunmen patungo sa motorsiklong nag-aabang patungo sa direksyon sa bayan ng Magallanes. Narekober sa crime scene ang 13 basyo ng bala ng baril habang patuloy naman ang imbestigasyon.