Anak, nasermunan ng ama, nagbigti

BULACAN, Philippines — Kusang nagpaslubong kay kamatayan ang 17-anyos na anak na sinasabing nasermunan ng kanyang ama matapos itong magbigti sa kanilang bahay sa Barangay Panducot sa bayan ng Calumpit, Bulacan noong Linggo ng hapon. Naisugod naman sa ospital ang biktimang si Jasper Alejo subalit nalagutan din ito ng hi­ninga. Sa ulat ni PO2 Ronald Rosario, kinompronta ng ama ang biktima saka sinermunan dahil sa kakaibang ugali nito. Humantong sa matinding mainitang pagtatalo ang mag-ama saka kaagad na pumanhik sa ikalawang palapag ng kanilang bahay ang biktima. Gayunman, ilang minuto ang nakalipas ay sinundan ng ama ang anak sa silid kung saan bumungad ang nakabiting biktima gamit ang nylon cord. Kusang pumirma sa waiver ang ama para hindi na sumailalim sa post-mortem examination ang sariling anak.