Trike vs kotse: Mag-ama patay, maglolo kritikal
TUGUEGARAO CITY, Philippines — Utas ang mag-ama habang kritikal naman ang maglolo matapos mahati ang sinasakyan nilang traysikel nang salpukin ng kotse sa Barangay San Nicolas, bayan ng Esteban, Ilocos Sur noong Linggo ng gabi.?
Kinilala ni P/Chief Insp. Honesto Lazo Jr., tagapagsalita ng Ilocos Sur police ang mga namatay na sina Joniff Ryan Estrala, 36; at Jhomailee Estrala, 9, habang kritikal naman ang biyenan na si Manolito Ambrocio, 66; at isa pang anak na si Jelina, 7.?
Lumalabas sa imbestigasyon na nagkasalpukan dakong alas-8 ng gabi ang traysikel ni Ryan at Honda City ni Dennis Arce, 44, sa kurbadang bahagi ng highway kaya humiwalay ang motorsiklo at sidecar nito sa lakas ng impact.?
Isinugod ng mga sumaklolo ang mga biktima sa Candon City General Hospital kung saan nalagutan ng hininga ang mag-ama habang nakikipagbuno naman ang maglolo.?
Isinailalim naman sa kustodiya ng pulisya ang drayber ng kotse na si Arce.
- Latest
