Traffic enforcer nirapido, kritikal
CAVITE , Philippines - Nakikipaglaban kay Kamatayan ang 49-anyos na traffic enforcer matapos itong pagbabarilin ng riding-in-tandem assassins habang nagmamando ng daloy ng trapik sa Molino-Paliparan Road, sa Barangay Paliparan 3, Dasmariñas City, Cavite kahapon ng umaga. Kinilala ng pulisya ang biktima na si Cesar Saballa, may asawa, ng Phase 3 sa nasabing barangay. Sa imbestigasyon ni SP01 Reynald Afable, abala ang biktima sa pagmamando ng daloy ng trapik sa nasabing lugar nang lapitan at pagbabarilin ng tandem bandang alas-6:35 ng umaga. Narekober sa crime scene ang anim na basyo ng bala ng cal. 45 pistol habang sinisilip naman ng pulisya ang anggulong may nakasagutang motorista ang biktima kaugnay sa paglabag sa batas-trapiko kaya ito niresbakan.
- Latest